Mizoram buai kum 1966 hmalam kha chuan Hnahthial hi khaw te tak te a ni a. Bangla awmna hmun a nih avangin Bangla nghaktu leh mi tlemte chauh an awm a ni. Mizoram buai avanga khaw hrang hrang sawikhawm a nih khan Hnahthial chhehvela khaw hrang hrang khaw sawm zet chu Hnahthialah hian sawikhawm an ni. Hnahthial chu khaw lian tak Mizoram Grouping Centre zinga khaw lian ber pawl a lo ni ta a ni. Khaw sawi khawm kum hi 1967 a ni a, khaw then khat tlema tlai deuha khawm te pawh an awm awm e.

PASTOR BIAL LO PIAN DAN :  Sawi tawh angin Rambuai hma kha chuan Hnahthial hi khaw lian lo tak a ni a, BCM Pastor bial siam remah pawh bial kengtu a ni ngai lo. Kum 1916 Pastor Bial siamah Khawchhak/Aithur bialah a awm a, 1933 Pastor bial siamah Pastor Ropianga leh T.K. Zaluaia bialah (T.K. hi Tirhkoh tihna niin a lang, hemi tumah hian bial then hi khaw hming chawia dah lovin A bialtute hminga dah a ni.). 1944-ah bial siam rem a ni leh a, Hnahthial chu Thiltlang bialah kan awm a, Kum 1956 bial siam remah Zote bialah dah kan ni leh ta a ni. Tichuan sawikhawm hnu Kum 1967 atangin Hnahthial Pastor Bial a lo piang ta a, Bialtu Pastor atan Rev. B. Thangseia dah a ni a, ani hian 1970 thleng bial hi a enkawl a ni. Recorda a lan danin kum 1967 – 1970 chhung tho hian bialtu Pastor Rev. F. Rammawia tih a lang bawk. Rev. B. Thangseia hi Pangzawlah awmin, Pangzawl bial (hetih hun lai hian Zote Bial tih ala ni awm e) nen a kawpa Rev. F. Rammawia hi Hnahthialah awmin hetih hun lai hian Pro-Pastor niin bial enkawl hna tak tak hi chu a ni hian a thawk zawk mah niin a lang.

Kum 1991 May nikhat atangin Hnahthial Pastor Bial chu bial pahnihah then fel a lo ni ta a ni. Hnahthial South Pastor Bial lama Kohhran Pasarih a awm a chungte chu :-

        1. Aithur (tunah Model)         

        2. Ariel (tunah Lungleng)    

        3. Chawngtui (tunah Chanmari)

        4. Leite               

        5. Peniel             

        6. Rotlang ‘E’    

        7. Tuipui

HNAHTHIAL SOUTH CHU BIAL 2-AH THEN LEH A NI  :  Kum 2010 BCM Assembly chuan Planning Commission ruahmanna leh report a pawm a. Planning Commission ruahmanna zinga tel Pastor Bial tam zawk siam belh zel nise tih chu Pastoral Committee leh Bial hrang hrang Rorelnaah a theih ang anga bawhzui a ni a. Hnathial South Pastor Bial rorel vawi 22-na Dt. 5.10.2012 BCM Biakin Rotlang ‘E’ a neih chuan Bial Executive Committee in ruahmanna lo siam tawh Hnahthial South Bial Pastor Bial pahnih a then thu chu lungrual takin a pass a, Kum 2013 Assembly ah chhawp chhuakin Hnahthial South Bial chu Bial hnihah then a, Bial thar  Leite Bial piang turin a titlu ta a ni.

Leite Pastor Bial thar hawnni atana Ni 4.5.2013 Inrinni ruat a ni a, BCM Biakin Leite-ah Rev. Lalbiaksanga Chinzah AGS i/c Service in a hawng a, Rev. R. Zohmingliana Co-ordinator Pastoral Department in thuchah a sawi. Hetiang hian Hnahthial South Bial chu Pastor Bial pahnihah then a ni ta a ni.

Hnahthial South Bial (Bial hming ngai)

1).  BCM Peniel                                                   

2).  BCM Model                                                 

3).  BCM Lungleng                                                   

4).  BCM Chanmari                                                

Leite Bial (Bial thar)

1). BCM Leite

2).  BCM Tuipui

3).  BCM  Rotlang ‘E’

4).  BCM Maudarh

Report kan ziah hi Hnahthial South Pastor Bial lo pian kum 1991 atanga tun thleng hi a ni dawn a ni. Kan report then khat a kan hmalakna tarlanah hian Leite Pastor Bial nena kan thawh hona te pawh a ni nual dawn tihna a ni.

MISSION LAM:

Kum tin deuh thaw Bial huap Mission Convention te an buatsaih a, Missionary te Speaker atan sawmin Headquarters hruaitute pawh kan sawm thin a ni. BCM Budget pumpui atanga a zatve (50%) tal Mission rawngbawlna a hman turin Assembly-a thlen nise tihte Pastor Bial Rorel Agendaah kan lo nei tawh hial a ni. Mahse hun rei tak chhung chu kan bial atang hian Missionary kan nei thei tlat lo. Bang lova Kohhranhote tawngtaina Pathianin a chhanga kum 2001-ah khan Tv. V. Hmangaihsanga S/o Upa V. Chhawnvela Arunachal ah Music Teacher-in BCM Missionary in a kal ta. Hun rei pawh a thawh hma in April 6, 2003-ah a thawhna hmun Yajali, Arunachalah a boral ta hlauh mai, kan va ui tak em !! Mahse Pathian remruat mak tak mai a lo langa kan bial atang hian Missionary an chhuak ta zut zut mai nia, tunah chuan BCM hnuaia thawk ringawt pawh Missionary 10 chuang lai kan nei ta, kan va lawm leh si em ! 

WORSHIP & MUSIC LAM  :- Hun engemaw laiah kha chuan heti lam rawngbawlna hi kan bial hian kan kalpui thiam vak lo. Music Committee tih ringawt a nih laiin 2004-ah phei chuan Bial level-ah chuan tih tawp lai lawk a ni. BCM Assemby level-ah ruahmanna thar awmin Worship & Music Department din a ni ta a. Kum 2006 atangin Hnahthial South Bialah pawh Worship and Music Committee din thar a ni a, heta tang hi chuan vawiin thlengin tha tak leh nung takin kan kal ta. Hmun dang leh Bial dangah an tih tam loh tak ‘FAKNA LEH TAWNGTAI INKHAWMPUI’ tih te leh TAWNGTAI INKHAWMPUI tih te buatsaihin inkhawmpui danglam leh nuam tak kan hmang thin. He Committee enkawlna hnuaiah hian Bial Zaipawl tha tak kan nei a, Mizoram chhung leh ram pawnah te Rawngbawlin BCM Puipa te hnungzuiin an fehchhuak ve fo thin a ni.

PASTOR QUARTERS : Hnahthial South Bial Pastor Quarters hi kan ABC huam chhunga Pastor Quarters hmasaber a ni hial awm e (Thingsai hi bial upa zawk an ni a, Pastor Quarters an nei hmasa em aw ?). Kan Pastor Quarters hmun hi 1967-70 chhung khan khaw pathum infin Kohhran LTA (Lungleng, Tarpho, Aithur) Biak In hmun a ni a. Heng khaw pathum te hian mahni veng/khua theuhah Biak in an neih tak hnuah Pastor Quarters hmun atan hman a ni ta a ni. Pastor Quarters luah hmasaber tu chu Rev. Khualkunga a ni (1971–73). Pastor Quarters hi tum 4 sak a ni tawh a, sak hnuhnung ber, tuna kan luahlai kan sak hian thil danglam ve tak chu December 5, 2018 ah a ban khur laiin bul kan tan a, a kum leh December 5, 2019 chiahah luah theihin kan sa zova, BCM General Secretary Rev. F. Ramdinmawia’n hawngin Pathian hnenah a hlan a ni. He Pastor Quarters atang hian Mission Field lama rawngbawl turin (Missionary kan ti thei ang chu) heng te hi kan thlah liam a ni.

1. Rev. KD Siamliana             

 Bhutan (The Leprosy Mission)

2. Rev. B. Lalramhluna          

Arunachal East (Field Director)

3. Rev. Joseph Vanlalruata   

Dhubri, Assam  (Field Director)

4. Rev. C. Vanlalmuankima   

Tripura (Field Director)

5. Rev. K. Lalnunsanga             

Gwuahati, Assam (Regional Director)

 Tuna kan biatu Pastor nilai Rev. T.C. Vanlalmalsawma hian Mission Field, Jharkhan (Field Director) atangin Quarters sak thar hi a rawn luahlut ve leh chiah thung.

BIALTU PASTOR LEH BIAL PUIPA KAN SUN :  Hnahthial South Pastor bial hian vanduaithlak takin Bialtu Pastor nilai leh Bial Puipa nilai te kan chana, bial chhunga kohhranhoten kan la thlakhleh em em laiin Ropuina ram-ah min hawn san ta a ni. Chungte chu ;-  

1. Upa K. Kaihlira       

Bial Chairman              

Thih Ni : Dt. 24. 10. 1997

2. Rev. C. Chalhlira    

Bialtu Pastor

Thih Ni : Dt. 03. 01. 2001

3. Upa F.C. Kapa        

Bial Asst. Treasurer 

Thih Ni : Dt. 06. 12. 2012

Hnahthial South Pastor  Bial puipa lo ni tawhte

I. Chairman & Chairman Elect ni tawh te :

1.   Upa Saikamlova    BCM Lungleng

2.   Upa Daplinga         BCM Model

3.   Upa K. Vanngaia   BCM Model

4.   Upa Hniarvunga   BCM Chanmari

5.   Upa K. Kailhira       BCM Chanmari

6.   Upa F. Ainghinga  BCM Peniel

7.   Upa F. Tlankima    BCM Lungleng   8.   Upa K. Sangkunga BCM Peniel

    9.   Upa FC. Kapa         BCM Peniel

    10.  Upa H. Lalpawla    BCM Model

    11. Upa K. Kaikunga BCM Chanmari

    12. Upa K. Vanlalliana BCM Model

II.    Secretary ni tawh te :

     1.   Upa K. Sangkunga BCM Peniel

     2.   Upa F. Tlankima    BCM Lungleng

     3.   Upa H. Lalrinawma BCM Model

     4.   Upa F.B. Vanlalruata  BCM Peniel

III.      Asst. Secretary ni tawh te :

1. Upa C. Lalvuana     BCM Peniel

2. Upa H. Lalpawla     BCM Model

3. Upa K. Sangkunga  BCM Peniel

4. Upa H. Lalrinawma BCM Model

5. Upa F. Lalsangzuala   BCM Peniel

IV.  Treasurer ni tawh te :

1. Upa K. Kaihlira       BCM Chanmari

2. Upa F. Ainghinga  BCM Peniel (Upa K. Kaihlira boral avanga hun lak lawha thlan)

3.  Upa Saikamlova    BCM Lungleng

4. Upa K. Lalhluna     BCM Peniel

5. Upa K. Kaikunga   BCM Chanmari

6. Upa C. Lalfakzuala BCM Model

7. Upa Vanlalchama BCM Lungleng

8. Upa R. Rothuama BCM Chanmari

V.    Asst. Treasurer ni tawh te :

1.   Upa K. Lalhluna     BCM Peniel

2.   Upa Saikamlova    BCM Lungleng

3.   Upa K. Kaikunga   BCM Chanmari

4.   Upa C. Lalfakzuala BCM Model

5.   Upa F.C. Kapa        BCM Peniel

6.   Upa R. Rothuama BCM Chanmari

7.   Upa Vanlalchama BCM Lungleng      

VI.   STATISTICIAN :

1. Upa H. Muanhlira BCM Lungleng

(Bial din tirh Kum 1991-1996 thleng Term hnih chhung a thawka, he mi hnu lam atang hi chuan Statistician hranpa awm tawh lovin Bialtu Pastor te kutah a awm ta a ni.)

VII.  Bialtu Pastor & Pro Pastor ni tawhte :

1. Rev. Chalhmingliana

2. Rev. R. Zopianga

P/P B. Lalramhluna

P/P H. Lalfakzuala

3. Rev. B. Lalrinawma

4. Rev. C. Chalhlira

5. Rev. H. Lengluta

6. Rev. Joseph Vanlalruata

      P/P PC. Lalmuankima                                             

7. Rev. Vanlalmuankima

      P/P PC. Zosangliana

      P/P Aibula Fanai

      P/P R. Lalnghakliana

8.  Rev. K. Lalnunsanga

 9.  Rev. Dr. Lalzarliana

10. Rev. T.C. Vanlalmalsawma

11. Rev. C. Lalhmangaihzama

TLIP-NA : Kum 50 chuang chhunga Pastor bial rawngbawlna chanchin (report) hi ziak sen a ni lo, ziak awm tak leh ziaklan atan tha tak tak ava la tam em !  heti chinah hian duh tawk phawt mai ang. Hetiang report ziak theia Lalpa khawngaihna ka chang hi ka va lawm em ! Ka lawm e.