Pastor Bial lo pian chhuah dan leh dinhmun tlangpui:

BCM Cherhlun Pastor Bial hi ni12.4.1997 niin Thingsai Bial Executive Committee- in indang turin ruahmanna a siam a.Dt.17.4.1997 niin Rev V.L.Zawnga BCM President in hawngin Pathian hnenah hlanna anei.Pathian Thlarau Thianghlim awmpuina leh hruaina changin vawiin ni thlengin ala kal chho zel e.Tun dinhmun kan thlen theihna tura mi ropui leh thlarau mi,Pathian ram leh bial tana theihtawp lo chhuah a an that lai hun zawng zawng lo hmang ral tute inpekna leh hruaitu hmasa ropuina ram min pansan ta te thawhrimna kan hrereng a,an mahni avangin Pathian hnenah lawmthu kan sawi ani.

Bial chhunga Kohhran hote inkungkaihna leh lungrualna a tha a,kan thawhhona pawh a tha ani.Bial inkhawmpui a nuam in rorel te anuam thin hle a,Pathian mite awmkhawm niawm takin hun kan hmang thin,hei hi a hlutna leh a ropuina lai tak bial in kan chan ni pawhin kan hria.Tin,he bial enkawl tura Bialtu Pastor fel tak tak te min pe thin hi kan lawmna ti sangtu ani tih hi sawi tel loh rual ani love.

Bial Dinhmun Tlangpui

Kan bial chhungah hian Tualchhung Kohhran panga:-BCM Cherhlun,BCM Kalvari,BCM Bethlehem,BCM New Ngharchhip leh BCM Ngarchhip te kan ni a.Kum 2019 inchhiarna atanga kan landanin chhungkua 406, member 2036 kan awm a,BMP member-221,BKHP-459,TKP-674 leh KNP member 407 kan awm mek.Upa 37 leh Rawngbawltu mi 56 ten Kohhran enkawl hna an thawk mek bawk.

Bial chhunga rawngbawlna peng hrang hrangte dinhmun

BCM Cherhlun Pastor hian a dintu din chhan kawng hrang hranga ti hawhtling turin hma a la ve zel a,hmalak dan leh rawngbawlna peng hrang hrang tawi te te in tarlang ta ila.

a).Mission Rawngbawlna:He rawngbawlna hi bial mipui ten tha tho tak leh phur takin vawiin ni thlengin hma kan la chho zel a,bial angin Mission support pawh headquarters ah kumtin chhunluh thin ani.Bial mai piah lamah Tualchhung Kohhran hrang hrang ten mission support-neiin kum tin Headquarters- ah sum engemaw zat kan chhung lut thin ,mission support sum kumtin tipung zawng a hma kan la thin te hi min ti lawmtu leh kan chakna ani.Mission rawngbawlna lamah bial in hma kan sawn chhoh zel theihna turin Mission Convention,Mission Campaign te neih thin ani a,hei hian mission rawngbawlna kawngah hmasawnna nasa tak min thlen thin.Tin,Bial chhung Fellowship Organisation te leh Unit tinte pawhin Mission rawngbawlna ngai pawimawhin Missionary support-kumtin an nei bawk a kan lawm hle.Thil lawmawm tak chu Mission rawngbawlna kawnga hma kan sawn zel theih nan te,mission support a sum leh pai kan intuakna atan bial chhung Kohhran tinte hian kartin vawi khat Mission pual fehchhuah group hrang hranga in thenin kan nei ziah thin a,hei hi kan chakna bulpui pakhat ani bawk.Kan bial chhungah hian Non-Mizo mi engemaw zat hnathawk an awm a,an zingah Bial mission hruaitute hmalaknain rawngbawlna neih thin ani.Kumin 2020 chhung hian mi pariat laiin an rinna puang chhuakin baptisma an changa,bialtu pastor Rev.Zirsangliana Raltein Baptisma pein in an pualin Lalpa zanriah buatsaihsak an ni a,kan hlim hle.Non-Mizo zinga rawngbawlna kawngah Bial pawhin ngaihtuahna tamtak a seng a,hmalak chhoh zel hi tum ani.Thubelh kan han neih duh a chu Missionary Furlough lo chhuak thinte hmel hi kan bial hian kan hmukhat thin hle mai a,tun aia zinga Missonary tena kan bial an lo tlawh theih nan hian Headquarters hian hma la chho zel se kan duh hle a ni.

b).Sunday School Rawngbawlna:Kan bial chhungah kum 2019 inchhiarna(2020 inchhiarna neih ala ni lo) atanga alan danin Sunday School hming ziak 1373 kan awm mek.Pathian nitin Sunday school kai dan pawh duhthusam tak thleng pha chiah thin lo mah ila kan dinhmun erawh a chhe viau lovin kan hria a,kan lawm hle ani.BCM Christian Education Department in Sunday School tha tehna lawmman a siam hetiang hian kan lo dawng tawh:Kum 2004 ah 2nd Position;Kum 2015 ah 5th Position;Kum 2016 ah 9th position;kum 2019 ah 11th position te kan lo hauh ve tawh ani.

Tin,Bial chhunga Kohhran ten Headquarters in tehkhawng (Criteria) a siam angin inelna thianghlim nneih thin ani a,Bial inkhawmpui apiangin a tithate lawmman semna neih thin ani.Lawmman hi “Upa Kapdaia Memorial Award” tiin a fapa Tv.L.Khiangte in kum tin lawmman min tumsak thin,a chungah kan lawm hle ani.Bial Sunday School in hma alo sawn zel theih nan Seminar,Training te neih fo thin ani.